Í morgin verður skrið av lágættum, regn ella ælaveður, hitin fyrst 7 stig men ímóti kvøldi niður í trý stig, tá minkar vindurin eisini og hann snarar upp í útnyrðing og tað kann kava.

Týsdagin verður ættin vestan, nú bert lot til frískan vind, hitin úr trimum uppí sjey stig og sólglottar gjøgnum dagin.

Mikudagin strúkur í vindi ella hvassur vindur millum sunnan og útsynning, hitin um 8 stig.

Hósdagin gul millum sunnan og vestan, ælaveður og hitin 5-8 stig.

Fríggjadagin veksur vindurin uppí skrið ella storm av lágættum, hitin um 4-6 stig og móti kvøldi kavi ella vátaslettingur.

Næsta vikuskifti verður nógvur vindur, uppí kolandi storm av útsynningi leygardagin, tað regnar illa, heldur minni vindur sunnudagin, hitin 5-9 stig.