Vit sóu tað á fólkatingsvalinum. Veljarin ynskir ungar sterkar kvinnur á ting. Eingin ivi um tað. Úrslitið á fólkatingsvalinum vísti greitt, at ein ung sterk kvinna hevur undirtøku millum veljararnar.

Anna Falkenberg hevur gjørt eitt megnar arbeiði fyri Føroyar á fólkatingi. Veljarin hevur givið henni dygga undirtøku og víst henni tað álit, at velja hana aftur at umboða sambandsflokkin og Føroyar á fólkatingi. Soleiðis skal tað vera.

Sjálv eri eg ung, sterk og full av áræði. Tí stilli eg upp til løgtingsvalið. Vit mugu hava fleiri kvinnur í løgtingið. Eg ætli mær at vísa tykkum, at eg fari at vera virkin og gera mína ávirkan galdandi, um eg veri vald.

Hugsa um meg, eina unga, sterka kvinnu, full av áræði, sjálvsáliti og vilja. Eg fari at gera mun á Føroya Løgtingi.

X við Sunnvá Dahl Høgfeldt