Onnur tíðindi
Ein filippinskur senatorur, sum altjóða revsirætturin, ICC, eftirlýsti, leitaði sær í dag friðskjól í senatinum í Manila fyri at sleppa undan handtøku.
Ronald Dela Rosa var fyrrverandi løgreglustjóri á Filippinunum og er eftirlýstur fyri sín leiklut í sokallaða stríðnum móti rúsevnum hjá fyrrverandi forsetanum, Rodrigo Duterte.
ICC ákærir Duterte fyri brotsverk móti mannaættini í 2013 og 2018, og 81 ára gamli Duterte hevur verið varðhaldsfongslaður síðani mars í fjør.
Í dag gav ICC eisini boð um at handtaka Dela Rosa, men tá filipinska løgreglan royndi at handtaka hann, flýddi hann og goymdi seg inni í Senatinum, skrivar TV2.
Um tú veitst okkurt, sum VP ikki veit - skriva so til vp@vp.fo
