Bridgesambandið: Í dag og í morgin verður kappast um, hvør verður føroyameistari í bridge fyri pør. Kappingin verður leikt í Bridgehúsinum í Gundadali og 16 pør hava meldað seg til kappingina.
Kappingin er skipað soleiðis at øll pør koma at spæla móti hvørjum øðrum, og tað verða leikt íalt 90 spøl.
Kappingarleiðari er Jacob Duschek, sum við sínum drúgvu royndum eisini er ein av kappingarleiðarunum á árliga Tórshavn Bridgefestival.
Í 2025 vunnu Arni Mikkelsen og Dánjal Pauli Mohr við bara 0,1 stigum framman fyri Dia Jacobsen og Hallberg Anfríðsson, meðan Jóannes Mourtisen og Per Kallsberg endaðu á triðja plássi, sí hjáløgdu mynd
Tað verður spennandi at vita, hvør verður føroyameistari í ár.
Um tú veitst okkurt, sum VP ikki veit - skriva so til vp@vp.fo
