Í svari, dagf. 24.04.2026, til lesarabræv hjá mær, dagf. 20.04.2026, við heitinum “Kirkjugarðurin í Sandavági – uttan byggiloyvi” sigur Bjarni Prior, borgarstjóri, seg vegna Vága kommuna kunna “vissa allar borgarar um, at øll viðurskiftið viðvíkjandi útbygging av kirkjugarðinum í Sandavági eru í lagi, og øll neyðug loyvi eru fingin til vega”.
Sum eg í lesarabrævi, dagf. 26.04.2026, við heitinum “Kirkjugarðurin í Sandavági – Vága kommuna ongan ognarskap!” havi nevnt, fari eg at svara aftursvarinum hjá Vága kommunu.
Eftir aftursvarið frá Vága kommunu havi eg latið kommununi innlitsumbøn, dagf. 29.04.2026, í tað byggiloyvi, sum tekniska nevnd sambært svarinum hjá Vága kommunu skal hava samtykt hin 12.02.2026. Tá innlitið er mær í hendi (væntandi seinni í dag), fari eg at svara uppáhaldunum hjá Vága kommunu, dagf. 24.04.2026.
Eg fari tó fyrst at biðja Vága kommunu beinanvegin alment á vp.fo svara hesum spurningum:
- Nær ætlar Vága kommuna at taka útbygda kirkjugarðurin í nýtslu?
- Ætlar Vága kommuna at taka kirkjugarðin í nýtslu, áðrenn ognarheimild er tinglýst?
- Ætlar Vága kommuna, at kirkjugarðurin skal vígast, áðrenn hann verður tikin í nýtslu?
- Nær verður upptikni fundurin um ætlaðar broytingar í byggisamtyktini, sum varð hildin 17.04.2026, og skuldi leggjast út sama kvøldið, lagdur út?
- Hvat sigur Føroya bispur (kirkjuligi myndugleikin) til at víga ein kirkjugarð, sum kommunan ikki hevur tinglýsta ognarheimild til og sum enntá liggur partvíst í fjøruni?
Maria Jacobsen
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
