Fleiri av ovastu leiðarunum í Iran vóru beinleiðis mál fyri álopunum hjá USA og Ísrael tíðliga í morgun.

Tað hevur tó ikki borið til at fingið vátta, hvørjir møguliga eru deyðir.

Iranski uttanríkisráðharrin, Abbas Araghchi, sigur í samrøð við NBC News, at møguliga eru onkrir deyðir, men "tað er ikki nakar stórur trupulleiki", sum hann málber seg. Og ovasti leiðarin í Iran, ayatollah Ali Khamenei, er ikki ein teirra, sigur hann. 

Annars frættist, at minst 200 vanlig fólk hava latið lív av álopunum, eitt nú fleiri gentur, tí ein gentuskúli varð raktur. Harumframt eru yvir 700 særd.