Tað verða fyribils ongar tingingar ímillum USA og Iran um kríggið í miðeystri. Amerikanski forsetin, Donald Trump, segði fyrr í dag, at tað er ongin orsøk til at flúgva í 18 tímar tá USA allíkavæl situr "við øllum teimum bestu kortunum" sum hann málbar seg.

- Iranar kunnu bara ringja til okkum, um teir hava okkurt at siga, segði Donald Trump.

Iran og USA skuldu annars halda fram við tingingunum um varðandi frið, men fyrr í dag frættist eisini, at iranar høvdu stungið í sekkin og vóru farnir heimaftur. Teir søgdu tó, at túrurin til Pakistan ikki var til fánýtis, tí teir hava havt fruktagóðar samtalur við pakistanskar politikarar og diplomatar um støðuna.