Í Noregi hava fólk og miðlar seinastu dagarnar havt fragd av einum hvítvali sum er svomin eftir eini á langt inn í landið.

Hvalurin er seinast sæddur við Hokksund, sum er við Drammenánna - ein nokkso langur teinur at svimja eftir ánni.

Sambært VG, sum hevur tosað við serfrøðingar, er talan helst um ein 5-6 ára gamlan hval. Sagt verður, at tað er ikki óvanligt í Kanada at hvíthvalur svimur í feskum vatni, men í Noregi er tað ikki líka vanligt. Í 1965 hendi nakað tað sama, men tá sprongdu teir hvalin við dynamitti, tí hann varð sagdur at vera skaðadjór sum skuldi gera skaða á fiskiútgerð.