Í morgin geva norsku stórtingslimirnir Mímir Kristjánsson, sum er av íslendskari ætt, og Sofie Marhaug út bókina Sosialistenes guide til Bibelen.

Tey eru par og umboða flokkin Rødt, sum er ein sosialistiskur og kommunistiskur flokkur, stovnaður í 2007.

Hann hevur skrivað eina røð av bókum og er fyrrverandi journalistur á Klassekampen.

Av forvitni hava tey sett sær fyri at lesa heimsins kendastu bók, Bíbliuna, sum meir enn nøkur onnur bók hevur myndað okkara mentan.

Bíbliulesturin førdi reyða politikaraparið inn í evni, tey hildu seg kenna, men har var nógv óvæntað, siga tey dagin fyri útgávuna.

Tey eru kløkk av, hvussu harðliga Bíblian revsar ójavna og fátækradømi.

Tey vórðu eisini gripin av kraftini, sum er í boðskapinum um náði og kærleika.

Í Sosialistenes guide til Bibelen geva tey lesaranum innlit í radikala boðskapin um solidaritet, javnrætt og markleysa fyrigeving.

Tey geva persónlig boð uppá trúgv og iva – og argumentera fyri at kristnu virðini eiga at fáa størri rúmd í samfelagnum.

Forlagið er norska Manifest.

Sí meira her