- Legg vápnini ella verður tað tann vissi deyði.

Tað sigur amerikanski forsetin, Donald Trump í einum boðum til iranar, nú USA og Ísrael eru farin undir umfatandi álop á Iran.

- Vit gera hetta fyri okkara børn. Vit kunnu ikki hava, at Iran mennir kjarnorkuvápn, sigur Donald Trump, og leggur eisini afturat, at tað kann blíva ein drúgvur bardagin, sum eisini fer at kosta amerikansk mannalív. 

Fleiri spreingingar hava verið at hoyrt í fleiri býum í Iran, og Donald Trump, forseti, sigur við iranska fólki, at nú skulu tey taka tjansin og fremja eina kollvelting.

Eisini Ísraelski verjumálaráðharrin, Israel Katz, hevur boðað frá álopinum, sum Ísrael tekur lut í.

- Hetta gera vit fyri at fyribyrgja, at Iran leypir á Ísrael. Fólk í Ísrael eiga at vera til reiðar at fara í bumbuskýli, sigur hann í einum boðum. 

Loftrúmið yvir Ísrael og har á leið er í løtuni stongt.