Nú fýra ár eru liðin síðani Russland leyp á Ukraina tekur fyrrverandi bretski forsætisráðharrin Boris Johnson blaðið frá munninum.

- Vesturheimurin og serliga USA noyðist at síggja veruleikan í eyguni: Putin vil ikki hava ein enda á krígnum, hann vil ikki hava frið. Hann steðgar ikki illgerðunum fyrr enn nógv størri trýst verður lagt á hann, so fyri guðs skyld latið okkum, latið okkum koma í gongd, sigur hann millum annað á eini dagføring á facebook.

Hann skýtur upp, at øll innifryst russisk virði vestanfyri verða givin til Ukraina, og øll neyðugt vápn verða givin til Ukraina, sum eru neyðug til at oyðileggja dronuverksmiðjurnar í Russlandi.

- Ger tað nú. Putin fer ikki at samráðast av álvara, fyrr enn hann følir at hann noyðist.