Stats- og stjórnarleiðarar úr fleiri londum eru komnir til Kiyv í samband við at tað í dag eru fýra ár liðin síðani Russland leyp á grannalandið.

Teirra millum er danski forsætisráðharrin, Mette Frederiksen, og saman við henni eru starvsbrøður úr hinum norðurlondunum eins og øðrum londum við.

Í samband við dagin hevur Heimsbankin saman við ST, Europanevndini og stjórnini í Ukaina gjørt eina meting sum sigur, at tað fer at kosta yvir 3.700 milliardir krónur at byggja alt tað uppaftur, sum Russland hevur oyðilagt.

Nógv tíggjutúsundtals fólk hava latið lív á báðum síðum síðani 24. februar 2022.