Fyrrverandi norski forsætisráðharrin, Thorbjørn Jagland, er innlagdur á sjúkrahús, sigur advokaturin hjá honum við miðilin VG.

Advokaturin Anders Brosveet upplýsir, at innleggingin er eitt úrslit av tí ágangi, sum Thorbjørn Jagland hevur verið útsettur fyri, eftir at tað kom fram, at hann hevði samband við deyða kynsbrotsmannin Jeffrey Epstein, skrivar TV 2.

Netmiðilin iNyheter skrivaði týsdagin, at Jagland varð innlagdur eftir at hava roynt at taka sítt egna lív. Hetta siteraði Finansavisen eisini.

Advokaturin Brosveet átalar hvassliga skrivingina um sjálvmorðsroynd.