Ósemja millum Ísrael og Ukraina kann vera í ferð við at taka seg upp, eftir at skip, sum sigast at vera lastað við stolnum ukrainskum korni, sigldu inn til Haifa.
Ukrainska uttanríkisráðið hevur biðið ísraelska sendiharran, Michael Brodsky, um fund í dag, tí tvey skip, sum eftir øllum at døma eru lastað við ukrainskum korni úr russiskt hersettu økjunum, hava fingið loyvi at leggja at bryggju í Haifa í Norðurísrael.
Og hetta hevur millum annað fingið ukrainska forsetan til tastaturið. Í einum innleggi á X skrivar Zelensky, at undir vanligum umstøðum er rættarlig ábyrgd, um tú keypir stolnar vørur - "serliga korn, sum Russland hevur stolið".
In any normal country, purchasing stolen goods is an act that entails legal liability. This applies, in particular, to grain stolen by Russia. Another vessel carrying such grain has arrived at a port in Israel and is preparing to unload. This is not – and cannot be – legitimate…
— Volodymyr Zelenskyy / Володимир Зеленський (@ZelenskyyUa) April 28, 2026
Um tú veitst okkurt, sum VP ikki veit - skriva so til vp@vp.fo
