Barna- og Útbúgvingarmálaráðið: Djóni Nolsøe Joensen, landsstýrismaður í barna- og útbúgvingarmálum, hevur fingið handað eina frágreiðing um musikkskúlaskipanina, sum er ein eftirmeting av musikkskúlalógini frá 2017, og hvussu hon hevur virkað í verki. Ein breitt samansettur arbeiðsbólkur við umboðum frá  Barna- og útbúgvingarmálaráðnum, musikkskúlastjóranum, kommunalu musikkskúlaleiðarunum, Kommunufelagnum og Musikklærarafelag Føroya hevur skrivað frágreiðingina.

Í frágreiðingini verður hugt at bygnaðinum í skipanini, fíggingini og ábyrgdarbýtinum millum land og kommunur. Eisini verður sett ljós á setanarviðurskifti, samstarvið í skipanini, bíðilistar, virksemið kring landið og hølisumstøðurnar hjá teimum ymisku musikkskúlunum.

Øll eru samd um, at vit hava ein góðan musikkskúla, sum nógv børn og ung gleðast um.  Men viðurskifti eru, sum kundu verið greiðari, og  sum tørva møguligar broytingar. Hetta er nakað, sum landsstýrismaðurin nú fer at hyggja nærri at og taka støðu til, hvussu farið verður víðari.

Frágreiðingin kann lesast her.