Russiski forsetin, Vladimir Putin, hitti mánadagin iranska uttanríkisráðharran, Abbas Araghchi, í St. Pætursborg.

Putin sigur, at hann vónar, at friður verður í økinum, og at Russland fer at gera alt, sum tað kann, fyri at tryggja áhugamálini hjá Iran og grannalondunum, skriva fjølmiðlar.

Iran fer ígjøgnum eitt trupult tíðarskeið, men vónin er, at alt endar við friði. Tað sigur russiski leiðarin, Vladimir Putin, í sambandi við vitjanina hjá iranska uttanríkisráðharranum, Abbas Araghchi, sambært russiskum almennum miðlum.

Hann leggur afturat, at hann hevur hoyrt frá ovasta leiðaranum í Iran, Mojtaba Khamenei, sum ikki hevur verið alment frammi, síðani hann fekk leiklutin í mars, skrivar norska TV2.