Andrew Mountbatten-Windsor, fyrrverandi Andrew prinsur, skal hava turkað rokningina á bretska skattgjaldaran, tá hann fekk endurgoldið massasjuviðgerðir og høgar ferðaútreiðslur.

Tað siga fleiri embætisfólk um tíðina hjá fyrrverandi prinsinum sum handilsumboð fyri Bretland millum 2001 og 2011, skrivar BBC.

Ein fyrrverandi embætismaður frá Handilsmálaráðnum sigur við miðlarnar, at hann noktaði at rinda rokningina fyri ‘massasjutænastuna’ eftir vitjanina hjá Andrew í Miðeystri, men varð settur upp á pláss av sínum yvirmonnum.

- Eg helt tað vera skeivt ... Eg segði, at vit ikki skuldu gjalda tað, men vit endaðu við at gjalda kortini, sigur hann við fjølmiðlarnar.

Ein onnur kelda, fyrrverandi leiðandi embætismaður í Whitehall, styðjar pástandin og sigur seg hava "absolutt ongan iva" um sannleikan í honum, skrivar MSN.